Veerana-E-Dil

Ek Jhonka Bhi Hawa Ka Idhar Aaya Hi Nahi
Ab Ke Pattoun Ne Kahin Shor Machaya Hi Nahi

Chand Bhi Doob Gaya Bujh Gaye Taaroun Ke Diye

Usski Yaadoun Ke Chiraag Humne Bujhaya Hi Nahi

Jabse Woh Kar Gaya Khali Yeh Mere Dil Ka Makaan

Meine Veerana-E-Dil Phir Se Sajayi Hi Nahi

Tha Toh Mumkin Ke Woh Aajata Maseehayi Ko

Zakhm-E-Dil Humne Maseeha Ko Dikhaya Hi Nahi

Rehke Chup Humne Qiyamat ka Samaa Bandh Diya

Hum Pe Kya Guzri Kisi Ko Yeh Bataya Hi Nahi

Apna Haq Cheen ke Leleti Zamane Se Magar

Maa Ne Mujhko Yeh Saleeqa Sikhlaya Hi Nahi

Mujh Si Pagal Bhi Zamane Me Koi Kya Hogi

Dasht Me Baithi Hai Aur Kehti Hai Saya Hi Nahi

***************************
Thanks & Best Regards
Mrs Rubina Yasmeen

***************************