Ek Nazm Pak Cricket team ke naam.....

Bohat din ho gaye haiN aao dou dou haath ho jayeN
Mohali meN bohat din baa'd hum tum saath ho jayeN

TumheN bhi jeet ki khuwahish hameN bhi jeet ki Hasrat
Tumhare dil meN bhi wahshat hamare dil men bhi wahshat

Umar Gul ke nazar aate ho tum har waar pe nazaN
Suna hai tum Shoeib Akhtar ki ho rafter pe nazaN

Na bhoolo tum hamari suf meN ik Tandulker bhi hai
Little tou hai magar bundah bala ka Master bhi hai

Tumhara Afridi ball ko achcha ghumata hai
Magar Bhajji ko tou yeh fun bohat pahle se aata hai

Tumhare paas dou Akmal haiN jin ki zarb kaari hai
Thahar jaye tou ik Veeru hi in donoN pe bhari hai

Tumhara Khan balla leke jab maidaN meN aayega
Hamara Khan usko ball ke jalwe dikhayega

Hafiz Asad aayNge Misbah aayenge Razzaq aayeNge
Hamari samt se Pathan, Kohli, Yuvi, Ghambhir, jayNege

Yeh sub ik khel hai warnah hameN tum ho bohat pyare
Jo tum jeete so hum jeete jo tum haare so hum haare

Bazahir tum hamare mulk meN mehman lagte ho
Magar such to yeh hai humko tum apni jaan lagte ho

Muqabil bhi chaley aao tou apne yaar lagte ho
Na jane kyuum hameN tum apne rishtedaar lagte ho

Presented by :

 

Click Here to join Beautiful Shayari Group
To get Daily Beautiful Love Shayari,
Sad Heart Touching Shayari,
Hindi Poem, Gazals, Bitter Discourse &
Beautiful Mails In Your Inbox