Yaad Dilatey Ho Kya Mujh Ko Kuch Bhi Nahin Main Bhoola Hoon

Yaad Dilatey Ho Kya Mujh Ko Kuch Bhi Nahin Main Bhoola Hoon
Jahan Mujhey Chorra Tha Tum Ne Abb Tak Wahin Main Thehra Hoon

Aaj Bhi Dil Ka Haal Wohi Hai Paani Bin Machli Jaisey
Tum Say Bicharr Ke Bhi Main Tum Say Kahaan Juda Reh Sakta Hoon

Pyaar Say Mujh Ko Zara Sa Chhu Kar Kaisey Tum Sharmatey Thay
Kar Ke Yaad Woh Beetey Lamhey Abb Tak Main Dil Bharta Hoon

Yaad Hain Woh Raatein Jo Baaton Baaton Mein Kat Jaati Theen
Yaad Unhein Kar Kar Ke Abb Main Din Aur Raat Behalta Hoon

Baatein Kartey Kartey Woh Be-wajaha Sa Ro Dena ‘gill’
Tab Mustaqbil Say Darr Tha Abb Maazi Soch Ke Darta Hoon…!